Հունաստանում ՀՀ դեսպանը հանդիպել է Արևելյան Սամոսի քաղաքապետի հետ

18 հունիսի, 2022

Հունաստանում ՀՀ դեսպան Տիգրան Մկրտչյանը հունական Սամոս կղզի կատարած աշխատանքային այցի շրջանակներում հանդիպել է Արևելյան Սամոսի քաղաքապետ Յորղոս Ստանձոսին՝ Արևելյան Սամոսի քաղաքապետարանի շենքում: Հանդիպմանը մասնակցել է նաև քաղաքային խորհրդի նախագահ Յորղոս Կոլարասը:

Ողջունելով դեսպան Մկրտչյանին` Արևելյան Սամոսի քաղաքապետը անդրադարձել է երկու ժողովուրդների դարավոր բարեկամական կապերին, ընդգծել, որ Սամոսում ժամանակին եղել է հայ համայնք, որն աստիճանաբար տեղափոխվել է Հունաստանի այլ հատվածներ:

Շնորհակալություն հայտնելով հյուրընկալության համար` դեսպան Մկրտչյանն անդրադարձել է տեղական ինքնակառավարման մակարդակով երկկողմ հարաբերություններն ամրապնդելու հնարավորություններին՝ շեշտը դնելով այնպիսի ոլորտների վրա, ինչպիսիք են` զբոսաշրջությունը և տնտեսությունը:

Քաղաքապետ Ստանձոսը կարևորել է հայ-հունական ապակենտրոնացված համագործակցության զարգացումը՝ հատկապես քաղաքների և համայնքների փոխգործակցության մակարդակով՝ արձանագրելով, որ այն լավ հնարավորություն է ստեղծում համատեղ նախագծերի քննարկման և ընդհանուր առմամբ երկկողմ օրակարգն էլ ավելի հարստացնելու համար։

Հանդիպման ընթացքում անդրադարձ է կատարվել նաև միգրացիայի ոլորտում Հայաստան-Հունաստան համագործակցությանը, ինչպես նաև փորձի փոխանակման ծրագրերին՝ կարևորելով հունական կողմի ունեցած փորձը տվյալ ոլորտում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր